74 кг-ын жинд сүүлийн хоёр жилийн насанд хүрэгчдийн улсын аварга, “Алдар” спорт хорооны тамирчин, спортын мастер Олонбаярын Сүлдхүү Монголын эрэгтэй бөхчүүдээс Азийн аваргаас хоёр дахь хүрэл медалийг авчирав. Тивийн шилдгүүдтэй анх удаа нүүр тулсан 22 настай түүний хувьд хүрэл медалийн төлөөх барилдаанд өнгөрсөн жил Улаанбаатарт 79 кг-ын жинд Азийн аварга болж байсан БНСУ-ын Гон Бён Минтэй хүч үзсэн.

О.Сүлдхүү өөрөөсөө 10 насаар ах гуулин улсын туршлагатай бөхтэй ямар ч хийгүй нягт барилдаан хийж 6:0-ээр яллаа.