2019 оны U23 насны ДАШТ-ий хүрэл медальт ОУХМ Ганбаатарын Ганхуяг 92 кг-ын жинд хүрэл медалиар энгэрээ мялаав. Энэ нь Астанагийн дэвжээнд Монголын бөхчүүдээс хүртсэн тав дахь (эрэгтэй 3, эмэгтэй 2) хүрэл медаль болж байна. Г.Ганхуяг хүрэл медалийн төлөөх барилдаанд Узбекистаны Ажиняз Сапарниязовыг оноогоор цэвэр (10:0) ялсан.
Тэрбээр 2019 оны Азийн аваргаас 86 кг-ын жинд хүрэл медаль хүртэж байсан бөгөөд дөрвөн жилийн дараа жин өгсч медалиа ихэрлүүлэв.
