"Алтан цомын төлөөх" үндэсний бөхийн барилдааны гуравдугаар шатанд шалгарсан шилдэг найман багийн гурван тойргийн барилдаанууд өнгөрөгч хоёрдугаар сард болж өндөрлөсөн. Улмаар дөрөв, тавдугаар тойргийн барилдаанууд өндөрлөж, одоогийн байдлаар Архангай, Булган аймгийн багууд таван ялалт, нэг ч ялагдалгүйгээр хүснэгтийг тэргүүлж байгаа бол Өвөрхангай аймгийн баг удаалж буй. Өчигдөр эхэлсэн зургадугаар тойргийн барилдааны эхний оноолтод Завхан аймгийн баг Баян-Өлгий аймгийн багийг буулган авч ээлжит ялалтаа авсан юм. 

Тэгвэл өнөөдөр буюу дөрөвдүгээр сарын 13-нд Төв аймгийн баг Булган аймгийн багийн эсрэг тулах гэж байна. Барилдаан 20:00 цагаас эхэлнэ. 

Булган аймгийн багийн бүрэлдэхүүн

1. Улсын начин Д.Амарсайхан 
2. Улсын начин Д.Амаржаргал
3. Улсын начин Х.Цогтгэрэл
4. Улсын начин Б.Түмэндэмбэрэл
5. Улсын начин Э.Сумъяабат
6. Улсын начин Б.Түвшинтөгс

Төв аймгийн багийн бүрэлдэхүүн

1. Улсын заан Б.Батмөнх 
2. Улсын начин Г.Ганжад
3. Улсын начин Д.Хүдэрбулга
4. Аймгийн хурц арслан Г.Өсөхбаяр 
5. Аймгийн арслан П.Эрхэмжаргал 
6. Аймгийн арслан Н.Дашдаваа 

Л.Сайнаа