Энэ онд манай улсын нийслэлд Зүүн Азийн залуучуудын наадам болно. Монголд анх удаа болох гэж буй тус наадмын бэлгэдлээр Хангарди, Галбингаа шувууг сонгосон. Үлгэр домгийн үзэсгэлэнт жигүүртэн, үг хэл цэцэн, бурхны дууч, бүхнийг чадагч хэмээн эрхэмлэн дээдэлдэг домгийн шувуу юм. Тэгвэл өнөөдөр Зүүн Азийн залуучуудын наадмын маскот болох Хангарди, Галбингаа Багануур дүүрэгт саатлаа. Тэд энэ аялалаараа тус наадмын сайн дураар ажиллах сонирхолтой хүүхэд залууст олимпизмын талаарх ерөнхий ойлголт, сайн дурын ажилтнаар ажиллах ач холбогдол, үр нөлөөний талаар мэдээллийг өгөх юм байна.