Тайланд улсад дугуйн “Tour of Thailand 2023 UCI” олон өдрийн тэмцээн энэ сарын 1-7-нд болж байна. Өнөөдөр тэмцээний сүүлийн өдөр. Манай улсын дугуйчин Б.Тэгшбаяр түрүү байраа хадгалж, шар цамцны эзэн болсон нь 65 жилийн түүхтэй Монголын дугуйн спортын түүхэнд гараагүй амжилт билээ. Ингэснээр тэр “Парис-2024” зуны олимпын наадамд оролцох эрхийн 139 оноо авлаа. Б.Тэгшбаяр нь Монголын дугуйн спортын түүхэн дэх анхны дэлхийн аварга тамирчин юм.