*************************************************************************************************************************************************************

NCAA буюу АНУ-ын Үндэсний коллежийн сагсанбөмбөгийн лигийн аварга багаар UConn Huskies баг шалгарч, 1999 онд Жим Калхауны тэргүүлсэн баг анхны аварга болсноос хойш тав дахь улсын аварга шалгаруулах тэмцээндээ түрүүллээ. 

UConn Huskies баг 2016 оноос хойш NCAA-ийн тэмцээнд түрүүлээгүй бөгөөд уналтад орсны улмаас хэд хэдэн дасгалжуулагч, менежерээ сольсон. Гэсэн ч үндэсний хэмжээний тэмцээнд хэдэн жилийн турш хөлөө олж чадахгүй байсан ч Дэн Херлиг дасгалжуулагчийн удирдлага дор сая л нэг цэгцэндээ орж, энэ оны үндэсний аварга болж чадлаа. 

Уг баг нь АНУ-ын Коннектикут мужийн Сторрс хотын Коннектикутийн Их сургуулийн шигшээ баг юм. Уг сургууль нь Сторрс хөдөө аж ахуйн сургууль (1881–1899), Коннектикутийн хөдөө аж ахуйн коллеж (1899–1933), Коннектикут мужийн коллеж (1933–1939) нэртэйгээр ажиллаж ирсэн бөгөөд 1939 оноос өнөөг хүртэл Коннектикутийн Их сургууль нэртэйгээр шйл ажиллагаагаа явуулж байна.

Л.Сайнаа