Азийн волейболын холбооноос зохион байгуулах 16 хүртэлх насныхны Ази тивийн аварга шалгаруулах тэмцээнд эх орноо төлөөлөн оролцох охид, хөвгүүдийн өсвөрийн шигшээ багийг нөгөөдөр сонгон шалгаруулах юм байна. Сонгон шалгаруулалт МУБИС-ийн Биеийн тамирын сургууль дээр болох бөгөөд шалгаруулалтад тэнцсэн охид БНХАУ-ын Ханжоу хотод энэ оны долоодугаар сарын 1-8-нд болох Азийн АШТ, хөвгүүд Узбекистаны Ташкент хотод долоодугаар сарын 22-29-нд болон Азийн АШТ-д оролцох юм.