FIBA буюу Олон улсын Сагсан бөмбөгийн холбооны Азийн Удирдах зөвлөлийн гишүүдийн нэрийн өмнөөс Монголын сагсан бөмбөгийн холбоонд талархлын бичиг хүргүүлжээ.
Тус талархлын бичигт FIBA 3x3 Азийн аварга шалгаруулах тэмцээний эрэгтэй төрөлд аварга болсон тамирчид, тэмцээний шилдэг тоглогч Д.Дэлгэрням болон дасгалжуулагчид, арын албаны хүмүүст баяр хүргэж, талархал илэрхийлсэн байна.
2023 оны Азийн Аварга шалгаруулах тэмцээнд Монгол Улсын эмэгтэй баг шилдэг наймд шалгарсан бол эрэгтэй баг финалд Австралийн шигшээ багийг хожиж аварга болсноор 2024 оны Олимпын наадмын эрх олгох тэмцээнд оролцохоор болсон билээ хэмээн Монголын сагсан бөмбөгийн холбооноос мэдээлэв.
