Рохан Бопанна 43 настайдаа BNP Paribas Open тэмцээний эрэгтэй хосын төрөлд түрүүлснээр ATP Masters 1000 тэмцээний хамгийн ахмад аварга боллоо. Хамтрагч Мэттью Эбдений хамтаар 6-3 2-6 10-8-аар хожиж, эрэгтэй хосын төрөлд аварга болов. Тэрбээр 1980 онд Энэтхэгийн Бангалор хотноо мэндэлсэн. Тэрбээр 2018 оны Жакартагийн Азийн наадмаас алтан медаль хүртсэн бөгөөд замналынхаа туршид таван сая нэг зуун мянга гаруй ам долларыг цуглуулжээ. 

Энэ ялалт нь өнгөрсөн сард Дохад Катарын нээлттэй тэмцээнд үзүүлсэн амжилтын дараах хосын хоёр дахь аварга болсон үзүүлэлт болсон юм. 

24 дэх удаагийн цомоо хүртэж, хосын дэлхийн чансааны гуравдугаарт бичигдэж байсан тэрбээр хуучин хамтрагч Даниел Несторын эзэмшиж байсан хамгийн ахмад мастеруудын аваргын рекордыг эвджээ. Эбден, Бопанна нар энэ улиралд хамтдаа 11-4 гэсэн амжилтыг эзэмшиж байгаа бөгөөд ATP хосын чансааны 18, 11-р байр руу дэвшсэн байна.

Л.Сайнаа