Засгийн газрын 2018 оны 183 дугаар тогтоолын хоёрдугаар хавсралтаар батлагдсан "Улсын хэмжээний спортын наадам зохион байгуулах журмын дагуу Монголын хүүхдийн спортын зуны VII наадмын анхан шатны тэмцээн 2023 оны гуравдугаар сарын 01-нээс 05 дугаар сарын 20-ны өдрийг дуустал 21 аймаг, 9 дүүргийн хэмжээнд 23 спортын төрлөөр зохион байгуулагдана.
Наадмын хөтөлбөрт багтсан спортын төрлүүд:
- Байт харваа
- Сагсан бөмбөг 5х5
- Бадминтон
- Спортын бүжиг
- Бокс
- Таеквондо
- Волейбол
- Усанд сэлэлт
- Гандбол
- Хөл бөмбөг
- Жүдо
- Хөнгөн атлетик
- Крикет
- Чөлөөт бөх
- Сагсан бөмбөг 3х3
- Шатар
- Ширээний теннис
Нэмэлт төрлүүд:
- Буудлага
- Самбо
- Даам
- Уран сайхны гимнастик
- Дугуй (уулын)
- Хүндийн өргөлт
Монголын хүүхдийн спортын зуны наадамд өмчийн бүх хэлбэрийн Ерөнхий боловсролын сургуулиас оролцох баг тамирчид, суралцагч өөрийн харьяа сургуулийн байршлын хаягийн дагуу Засаг захиргааны нэгж дэх аймаг, дүүргийн Биеийн тамир, спортын газар, хороодод 2023 оны гуравдугаар сарын 30-ны дотор бүртгүүлнэ үү.
