Өнөөдөр /2023.03.02/ Монголын Сагсанбөмбөгийн холбооны Үндэсний дээд лигийн хасагдах шатны тоглолтууд эхэлж буй. Энэ өдөр гурван тоглолт болох бөгөөд тэдгээрийн нэг Эрдэнэт Майнерс, Налайх Бизон багуудын тоглолт оройн 18:20 цагаас болно.

Энэ улиралд Эрдэнэт Майнерс баг 16-2 амжилттай хүснэгтийг тэргүүлж дуусгасан бол Налайх Бизон баг 8-10 амжилт үзүүлж наймдугаар байраар улирлаа дуусгасан юм. Хоёр баг энэ улиралд хоёр удаа учраа таарсан бөгөөд хоёуланд нь Эрдэнэт Майнерс баг 15+ онооны зөрүүтэй хожсон байна. Энэ улирлын лигийн тэргүүн баг Эрдэнэт Майнерс хоёр дахь легионер тоглогчоо авчирж хүчээ зутаатгаад байна. Тэдний эсрэг тоглох Налайх Бизон бүрэлдэхүүндээ өөрчлөлт хийгээгүй, улиралд тоглосон бүрэн бүрэлдэхүүнээрээ хүч үзэх аж.

Статистик: Эрдэнэт Майнерс баг энэ улиралд лигийг нийт довтолгооны хувь болон амжилттай гүйцэтгэсэн дундаж довтолгоогоор тэргүүлсэн бол харин Налайх Бизон баг дундаж самбараараа болон дундаж бөмбөг таслалтаар лигийг тэргүүлжээ.

Л.Сайнаа