МСБХ-ны Үндэсний Дээд лигийн 2022/23 оны улиралд Ulaanbaatar Amazons баг 7-1 амжилттай хүснэгтийг тэргүүлж дуусгасан бол Отгонтэнгэрийн Шилүүснүүд баг 3-5 амжилт үзүүлж дөрөвдүгээр байраар улирлаа дуусгасан юм. Хоёр баг энэ улиралд хоёр удаа учраа таарсан бөгөөд хоёуланд нь Улаанбаатар Амазонс баг тус бүр 25+ онооны зөрүүтэй хожсон байна.

Тус тоглолтуудад Улаанбаатар Амазонс багийн төвийн тоглогч Онолбаатарын Хулан 18.0 оноо, 14.5 самбар дунджилсан байна. Хоёр багийн хувьд плэйоффын завсарлагаанаар бүрэлдэхүүндээ ямар нэгэн өөрчлөлт хийгээгүй бөгөөд улирлыг дуусгасан бүрэн бүрэлдэхүүнээрээ тулах юм. Улаанбаатар Амазонс баг Отгонтэнгэрийн Шилүүснүүд багийг ялж шигшээ цувралд үлдэж чадах болов уу. Нөгөө талд М Гарьд баг хоёр дахь легионер тоглогчоо авчирч хүчээ зузаатгаад байгаа билээ. Улаанбаатар Амазонс болон Отгонтэнгэрийн Шилүүснүүд багуудын цувралын эхний тоглолт өнөөдөр буюу пүрэв гарагийн үдэш 16:00 цагт эхэлнэ.

МСБХ-ҮДЛ