МСБХ-ны Үндэсний Дээд лигийн 2022-23 оны Улирлын тоглолтууд өндөрлөж, өнөөдөр Плей-оффийн тоглолтууд эхлэх гэж байна. Тоглолтын салхийг хагалж, эмэгтэйчүүдийн "Ulaanbaatar Amazons" баг "Отгонтэнгэрийн Шилүүснүүд" багийн эсрэг тоглох болно. Энэ өдөр гурван тоглолт зохион байгуулагдах бөгөөд хоёр дахь тоглолтод "Эрдэнэт Майнерс" баг "Налайх Безон" багийн эсрэг тоглоно. Харин гурав дахь тоглолтод "IHC Apes" баг "Хасын хүлгүүд"-ийн эсрэг учраа таарчээ.
Хасагдах шатанд эрэгтэй найм, эмэгтэй дөрвөн баг шалгараад буй. Зохион байгуулагчдын зүгээс хэрэв хасагдах шат, хагас шигшээ цуврал 5,7 дахь тоглолт гаралгүй өндөрлөвөл тухайн цуврал дууссанаас хойш 72 цагийн дараа дараагийн шатыг эхлүүлэхээр тусгажээ.
Үндэсний Дээд Лигийн 2022-23 улирлын тоглолтууд эхлэхээс өмнө бүх багуудын зөвшөөрсөн албан тоотын дагуу хагас шигшээ тоглолт хэзээ дуусахаас үл хамааран "Аваргын цуврал" ирэх дөрөвдүгээр сарын 05-нд эхлэх ажээ.
Ямар багууд Плей-оффийн тоглолтод шалгарсан бэ?
Эрэгтэй багууд
- Эрдэнэт Майнерс - Налайх Безон
- IHC Apes - Хасын хүлгүүд
- М Гарьд - Завхан Бродерс
- Тэнүүн Өлзий Металл - Архангай Адд
Эмэгтэй багууд
- Улаанбаатар Амазонс - Отгонтэнгэрийн Шилүүснүүд
- Эрдэнэт Майнерс - М Гарьд
Л.Сайнаа
