"NHL"-ийн бүх цаг үеийн шилдэг тоглогч, Канад-ЗХУ-ын шигшээ багийн хооронд 1974 онд явагдсан Супер цувралын шилдэг довтлогч, Хоккейн “Алдрын тахим”-ын гишүүн, домогт хоккейчин Бобби Халл нэгдүгээр сарын 30-ны өдөр 84 настайдаа таалал төгслөө. Бобби 1939 оны нэгдүгээр сарын 03-нд Канадын Онтарио хотод мэндэлжээ. 

Тэрбээр “Чикаго”, “Веннипег”, “Хартфорд” багт 1063 тоглолтод оролцож, 610 шайб оруулсан, шилдгийн шилдэг тоглогчийн “Харт трофи”-г хоёр удаа буюу 1965, 1966 онуудад, шилдэг довтлогчийн “Арт Росс трофи”-г 1960, 1962, 1966 онуудад гурван удаа хүртэж байжээ. Түүнчлэн лигийн "Бүх одод"-ын тоглолтод 12 удаа оролцож, лигийн түүхэн дэх хамгийн шилдэг 100 тоглогчийн нэгээр нэрлэгдэж байв.

Л.Сайнаа