Монголын волейболын холбооноос уламжлал болгон жил бүр зохион байгуулдаг үндэсний дээд лигийн аварга шалгаруулах тэмцээний алтан медальт Т.Хангал арваннэгдүгээр сарын 4-ний өдөр Тайланд улсыг зорьсон билээ. Тэрбээр тус улсын дээд лигт тоглох урилга хүлээн авсан бөгөөд Монголын хоёр дахь лигонер тамирчин болсон юм. Т.Хангалын хувьд 2021 оны дээд лигийн үнэ цэнтэй тоглогчоор шалгарсан шилдэг залуу тамирчин.
Тайландын лиг долоон хоног бүр шилдэг тоглогч шалгаруулдаг онцлогтой бөгөөд манай улсын тамирчин Т.Хангал "MVP" тоглогчоор шалгарсан тухай бид өмнө нь мэдээлсэн. Тэгвэл түүний баг өчигдөр дахин ялалт байгуулж нэг ч хожигдолгүйгээр лигийг тэргүүлж байна.
Сэтгэгдэл (1)