Америкийн үндэсний сагсанбөмбөгийн Лос Анжелес Лейкерс баг Японы тоглогч Руи Хачимурагаар бүл нэмлээ. Тэрбээр 1998 оны хоёрдугаар сарын 08-нд Хачимура Японы Тояма мужид Япон ээж Макико, Бенин эцэг Закари Жабил нарын гэр бүлд төржээ. Руи 2019 оны NBA-ын драфтын нэгдүгээр хэсгийн есдүгээр сонголтоор Вашингтан Визардс багт тоглож эхэлсэн юм. 

Тэрбээр Японы Сэндэй хотын Мейсей ахлах сургуулийг дүүргэж, улмаар NCAA буюу АНУ-ын Үндэсний коллежийн сагсанбөмбөгийн лигт Гонзага их сургуулийн шигшээ багийн нэрийн өмнөөс 2016-2019 онд тоглож байв. 

Сонирхуулахад, тэр 2022-23 оны улиралд талбайд дунджаар 24 минут тоглож, 13 оноо дунджилсан нь өмнөх жилүүдийнхээс буурсан үзүүлэлт юм. 

Л.Сайнаа