Гави, Роберт Левандовски, Педри нарын гоолоор Испанийн алдарт Барсалона баг Мадридыг 3:1-ээр буулган авч, Испанийн "Супер цом"-ын аварга боллоо.
Тоглолтын 33 дахь минутад Мадридын хамгаалагч Антонио Рюдигер хөндлөн дамжуулалт өгч, улмаар Барсалонагийн Серхио Бускетс бөмбөг булааснаар Гави зүүн хөлийн цохилтоор эхний гоолыг оруулав. Улмаар тоглолтын 45 дахь минутад Роберт Левандовски хоёр дахь гоолыг оруулсан юм.
Тоглолтын эхний хагаст дорвитой тоглолт үзүүлээгүй Реал Мадридчууд хоёрдугаар хагаст илүү хайнга тоглолт үзүүлсэн гэж хэлж болно. Багийн сэлгээний тоглогч Дани Себаллос хагас хамгаалалтанд бөмбөг алдаж, Гави урагш гүйж, Педри рүү хөндлөн дамжуулж, хоосон хаалганд гоол оруулжээ. Нэмэлт цагт Реал Мадридаас Карим Бензема тайтгарлын гоолыг оруулсан юм.
Л.Сайнаа
