"Катар 20220" хөлбөмбөгийн ДАШТ-ий шөвгийн дөрвөн баг тодорч, Аргентин, Хорват, Франц, Мароккогийн шигшээ багууд шалгараад байна.
Шилдэг дөрвийн нөгөө оноолтод Францын шигшээ баг түүх бичиж яваа Мароккогийн шигшээ багтай тоглоно. Ихэнх хөгжөөн дэмжигчдийнх нь хувьд Мароккогийн шигшээ баг Француудад хөнгөн зууш байх. Гэвч тэд тийм биш гэдгээ харуулсан. Мароккогийн шигшээ баг хэсгээ тэргүүлж, улмаар Испани, Португалын шигшээ багуудыг өвдөг сөхрүүлсэн билээ. Өнгөрсөн ДАШТ-ий аваргууд болох Францын шигшээ баг Польш, Англи зэрэг хүчтэй багуудыг төвөггүйхэн хожсон. Хэрэв тэд энэ тоглолтод хожвол ДАШТ-ий аваргын цомынхоо тоог нэмэх чухал тоглолтыг хийх юм.
Дашрамд, Францын шигшээ багийн довтлогч Мбаппе тэмцээний эхнээс мэргэн буучдын жагсаалтыг таван гоолтойгоор тэргүүлж буй. Түүний араас Аргентины шигшээ багийн тоглогч Месси, Францын шигшээ багийн тоглогч Жиру нар бичигдэж байна.
Л.Сайнаа
