"Голден Стейт Уорриорз"-ын холбон тоглогч Стефен Көрри АНУ-ын спортын хамгийн алдартай сэтгүүл "Sports Illustrated"-ын 2022 оны шилдэг тамирчнаар шалгарлаа. Тэрбээр өнгөрсөн улиралд дөрөв дэх удаагаа NBA-гийн аварга болж, анх удаагаа финалын MVP-гээр тодорсон. Мөн "Өрнөд" бүсийн финалын "Үнэ цэнэтэй тоглогч"-ын анхны шагналыг өөрийн болгосон билээ.
2022 он бүхэлдээ түүний амжилт, ялалт, олз омгоор дүүрэн жил байсан бөгөөд хоёрдугаар сард Кливлэнд хотод болсон NBA-гийн "Бүх оддын тоглолт"-ын үнэ цэнэтэй тоглогчоор мөн шалгарсан юм. Тавдугаар сард Дэвидсоны их сургуульд суралцаж, наймдугаар сарын сүүлээр их сургууль нь түүнийг "Алдрын танхим"-даа багтааж, 30 дугаарыг нь мөнхжүүлсэн байна.
Л.Сайнаа
