"Элит брейн" олон улсын академи, Сэлэнгэ аймгийн тамирчин, шатрын их мастер Алтан-Өлзийн Энхтуул өнгөрсөн долоо хоногт Испанид болсон "Female Blitz Generalitat de Catalunya" тэмцээнээс мөнгөн медаль хүртэв. Найман орны шилдэг 15 шатарчин швейцарь системээр долоон өрөг тоглосноос манай их мастер дөрвөн хожил, хоёр тэнцээ, нэг хожигдолтой 5.0 оноогоор аман хүзүүдсэн. Хэрэв А.Энхтуул сүүлийн өрөгтөө дэлхийн аварга асан, Болгарын парламентийн гишүүн, алдарт шатарчин Антоанета Стефановад хожигдоогүй тэнцсэн бол тус тэмцээнд түрүүлэх боломжтой байв.