NBA-гийн “Бостон Селтикс” багийн төвийн тоглогч, 11 удаагийн аварга, 5 удаагийн үнэ цэнэтэй тоглогч /MVP/, 12 удаагийн бүх одод, 11 удаа бэлгэдлийн багт гишүүн, 25 35 50 75 жилийн ойн бэлгэдлийн баг, алдрын тэнхимийн гишүүн, 4 удаагийн самбараас бөмбөг авалтын лидер, анхны өнгөт арьст дасгалжуулагч, тоглогч дасгалжуулагчийн хувиар түрүүлж байсан анхны тоглогч Домогт Билл Расселын гэгээн дурсгалд зориулан түүний 6 дугаарыг лиг даяар мөнхлөхөөр болжээ.
Энэ үйл явдал нь NBA-гийн түүхэнд бүх баг дугаарыг нь мөнхлөсөн анхны тохиодол болж байна.
Сонирхуулахад ирэх улирлын турш түүнийг хүндэтгэсэн арга хэмжээнүүд зохиогдох бөгөөд тоглогчид өмсгөлийн баруун энгэр дээрээ дурсгалын тэмдэг зүүнэ, мөн бүх талбай дээр болж буй тоглолтуудад 6 дугаартай дүрс онооны самбарын хажууд байрлах аж.
Финалын /MVP/ үнэ цэнэтэй тоглогчийн шагналыг 2009 оноос Билл Расселлын нэрэмжит болгосон. Энэ шагналыг одоогийн байдлаар “Бостон Селтикс”-ийн нэг ч тоглогч авч байгаагүй юм.
Б.Жаргал
