Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын хүчит бөхийн барилдааны нэгийн даваанд барилдах 1024 бөхийн оноолт гарчээ.

Уг барилдаанд Хэнтий аймгийн Өмнөдэлгэр сумын харьяат дархан аварга Бадмаанямбуугийн Бат-Эрдэнэ тэргүүтэй долоон улсын аварга, найман улсын арсан цолтой бөхчүүд барилдана.

Мөн бөхийн барилдааны нэгийн даваанд та бидэнд "Улаан бал" нэвтрүүлгийн хөтлөгч гэдгээрээ сайн танигдсан Архангай аймгийн Өгийнуур сумын харьяат залуу бөх Чулуунбилэгийн Лодойсамбуу Төв аймгийн Аргалант сумын харьяат улсын заан Дорлигжавын Амгаланбаатартай барилдахаар оноолт таарчээ.

Түүний хувьд наадмын өмнө "Увс нуур" бөхийн галын бөхчүүдтэй хамт үндэсний бөхийн бэлтгэл хийгээд байсан юм. 

 Б.Жаргал