Улсын харцага Б.Бат-Өлзий түрүүлж, арслан Э.Оюунболд үзүүрлэв

2022-6-27

"Мөнхийн Үсэг" группийн 30 жилийн ойд зориулсан "Үндэсний их баяр наадмын сорилго" улс аймгийн алдар цолтой 256 бөхийн барилдаанд Ховд аймгийн Зэрэг сумын харьяат, “Алдар” СХ, "Монтед" констракшн, “Өнө мөнх хөгжил Констракшн” ХХК, “Ховд” дэвжээний бөх, улсын харцага Баярхүүгийн Бат-Өлзий түрүүлж, Хэнтий аймгийн Өмнөдэлгэр сумын харьяат, Хан-Хэнтийн аварга дэвжээний бөх, улсын арслан Энхтөгсийн Оюунболд үзүүрлэв.

Их шөвөгт Дорнод аймгийн Дашбалбар сумын харьяат, Аврагч СХ, "Степ Гоулд" ХХК, Бүрэн Дуулга ХХК, Дорнын Хүчтэн" дэвжээний бөх, улсын заан Д.Анар, Архангай аймгийн Хайрхан сумын харьяат, Алдар СХ, "Молор трейд" ХХК, "Вайт лэйк" ХХК, “Бөхбилэгт” дэвжээний бөх, улсын начин О.Мөнх-Эрдэнэ нар шалгарлаа.

May be an image of 2 people, people standing and indoor

Дунд шөвгийн наймд улсын гарди М.Бадарч, улсын харцага Н.Золбоо, улсын начин Д.Хүдэрбулга, аймгийн харцага Б.Өлзийсайхан нар үлдэв.

"Наадмын сорилго" барилдаанд барилдахаар бүртгүүлсэн Итали улсын иргэн Григорий "Замын түгжрэлд саатаад барилдааны цагаас хоцорсон" гэх шалтгаанаар амжиж ирээгүй болно.

МОНГОЛЫН ҮНДЭСНИЙ БӨХИЙН ХОЛБОО

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

зочин (43.228.129.20)

Хүчтэй бяртай төрснөөсөө болж муу хүмүүсийн хорон санааны бай болж маш их зовж байгаа аварга Оюунболд энэ жилийн их ойгоор хэн гэдгээ харуулж дахин түрүүлэх хэрэгтэй.Хамгийн гол асуудал бол допингийн шинжилгээ өгөхдөө давхар сорьцтойгоор өөр улсын баталгаатай лаборатороор шинжилгээ хийлгэж баталгаажуулахгүй бол энэ асуудал дахин сөхөгдөж яг л үнэн юм шиг ард түмнийг итгүүлэх болно. Аюултай этгээд адгууснууд хаа сайгүй маш том хамгаалалт авахгүй бол тэд юуч хийж чадна.

2022 оны 06 сарын 30 | Хариулах