Европын хөлбөмбөгийн клубүүдийн дунд зохиогддог хамгийн том тэмцээн болох Аваргуудын лигийн 2021-2022 улирлын аварга баг тодроход ердөө ганцхан тоглолт үлдлээ. Финалын тоглолт тавдугаар сарын 29-нд Франц улсын нийслэл Парис хотод зохион байгуулагдах бөгөөд уг тоглолт Аваргуудын лигийн зургаан удаагийн аварга Английн Ливерпүүл болон Аваргуудын лигийн 12 удаагийн аварга Испанийн эзэн хааны баг болох Реал Мадридын хооронд өрнөхөөр болсон.
Тэд 2017-2018 оны Аваргуудын лигийн финалын шатанд хоорондоо тоглож 3:1 харьцаагаар Реал Мадрид ялалт байгуулж байсан бол дөрвөн жилийн дараа дахин бие биетэйгээ нүүр тулахаар боллоо.
Реал Мадрид клубийн хувьд өнгөрсөн шөнө Английн Премьер лигийг тэргүүлж буй Манчестер Сити клубийг 3:1 ялж авч хоёр тоглолтын нийлбэр дүнгээр 6:5 харьцаатай буулган авсан. Хамгийн сонирхолтой нь тэд уг тоглолтод оруулсан гурван гоолоо бүгдийг нь таван минутын дотор нэмэлт цагт оруулжээ. Мөн уг тоглолтын эцсийн цэгийг тавьсан Франц довтлогч Карим Бензема нийт тоглогчдыг 15 гоолтойгоор тэргүүлж байна.
П.Тамир
