Дэлхийн хамгийн олон үзэгчтэй спорт болох хөлбөмбөгийн ДАШТ энэ оны арван нэгдүгээр сард Катар улсад дөрвөн жилийн дараа дахин эхлэх гэж байна. Уг тэмцээнд тив бүрээс шалгарсан шилдэг 32 баг өрсөлддөг ба одоогийн байдлаар тэдний 20 багийнх нь нэрс бүрэн тодроод байна. Өнөөдөр өглөө Хойд Америкийн урьдчилсан шатны тоглолтууд явагдаж Канадын шигшээ баг ДАШТ-д оролцох эрхээ албан ёсоор баталгаажууллаа. Тэд Ямайкийн шигшээ багийг 4:0 харьцаагаар буулган авсан ба багуудын жагсаалтыг нийт 28 оноотойгоор тэргүүлж байгаа юм. Канадын шигшээ багийн хувьд ДАШТ-д өмнө нь 1986 онд оролцож байсан ба ийнхүү 36 жилийн дараа дахин оролцохоор болж байна.

Тус баг нь маш залуу тоглогчдоос бүрдсэн бөгөөд Алфонсо Дейвис, Кайл Ларин, Жонатан Дэвид гэх зэрэг Африк гаралтай тоглогчид тус багийн түлхүүр тоглогчдоор нэрлэгддэг. Хойд Америкийн бүсээс нийт гурван баг ДАШТ-д шууд орох эрх авах бол дөрөвдүгээр байранд жагссан баг нь өөр бүсийн багтай нэмэлт тоглолт хийж байж ДАШТ-д оролцох боломжтой болно. Одоогийн байдлаар Канадын шигшээ багийн араас АНУ болон Мексикийн шигшээ багууд ДАШТ-д шууд оролцох эрхийг авч Коста Рикагийн шигшээ баг нэмэлт тоглолт хийх өндөр магадлалтай байна.

П.Тамир