Хөлбөмбөг сонирхогчдын сайн таних Английн шигшээ баг болон Тоттенхэм клубд хүчин зүтгэж явсан Премьер лигийн түүхэнд хамгийн дутуу үнэлэгдсэн ясны довтлогчдын нэг болох Жермейн Дефо 39 насандаа их спортоосоо зодог тайллаа. Түүний хувьд замналынхаа ихэнх хэсгийг Вест Хэм, Борнмут, Тоттенхэм, Портсмут, Сандерланд гэх клубүүдэд өнгөрүүлсэн бөгөөд Тоттенхэм клубийн төлөө 276 тоглолтод оролцож 91 гоолыг оруулж байжээ.

Мөн тэрбээр Английн шигшээ багийнхаа хамт 2006, 2010, 2014 онуудын ДАШТ-үүдэд оролцож шигшээ багийнхаа төлөө 57 тоглолтод 20 гоолыг оруулж байсан нэгэн. Жермейн Дефо нь замналынхаа сүүлийн хэсгийг нэгэн цагт Премьер лигийн аюултай багуудын нэг байсан ч одоо Нэгдүгээр лигт харьяалагддаг Сандерланд клубд өнгөрүүлсэн бөгөөд энэ улиралд долоон тоглолтод оролцсон хэдий ч хараахан гоол оруулж чадаагүй байна.

П.Тамир