Өвөрхангай аймгийн Сант сумын “Илдэн бэйлийн хүчтэн” бөхийн холбооны нэрэмжит 192 аймаг цэрэг болон сумын цолтой залуу бөхчүүдийн барилдаан амжилттай зохиогдож Архангай аймгийн Цэнхэр сумын харьяат аймгийн арслан Доржийн Ням-Очир түрүүлж, Ховд аймгийн Мөнххайрхан сумын харьяат аймгийн хурц арслан Бүрнээгийн Баянмөнх үзүүрлэлээ. Харин уг барилдааны их шөвөгт үзүүр түрүүнд үлдсэн бөхчүүдийн хамт Өвөрхангай аймгийн Төгрөг сумын харьяат Цэдэнсодномын Бямба-Отгон зургаа даван шалгарсан.