Ховд аймгийн Манхан сумын харьяат, аймгийн хурц, бадрангуй, хичээлт арслан Бат-Очирын Ичинхорлоогийн нэрэмжит аймаг цэргийн цолтой хүчит 256 бөхийн барилдаан зохиогдож өндөрлөлөө. Уг барилдаанд Архангай аймгийн Цэнхэр сумын харьяат аймгийн арслан Хүрэлбаатарын Очирхуяг найм давж түрүүлсэн бол Дорнод аймгийн Булган сумын харьяат аймгийн арслан Ганхуягийн Шинэзориг үзүүрлэлээ. Харин их шөвөгт Говь-Алтай аймгийн Цээл сумын уугуул аймгийн харцага Батсүхийн Энхсайхан, Сүхбаатар аймгийн Онгон сумын харьяат аймгийн арслан Нямдоржийн Өсөхбаяр нарын бөхчүүд шалгаран үлдсэн.

П.Тамир