"Янзтай Дээд Лиг"-ийн плей-оффийн эхний шатны тоглолтууд спортын төв ордонд явагдлаа. Эхний тоглолт өнгөрсөн жилийн аварга "Алдар Танан Гарьд" "Эрдэнэтийн Уурхайчид" багуудын хооронд явагдаж 73-78 онооны харьцаатай "Эрдэнэтийн Уурхайчид"-ын ялалтаар өндөрлөж "Эрдэнэтийн Уурхайчид" баг хоёрдугаар шатанд шалгарлаа.
Тоглолтын онцлох тамирчин "Эрдэнэтийн Уурхайчид"-ын тоглогч Т.Санчир байлаа. Тэрээр 24 оноо, 6 самбар, 2 оновчтой дамжуулал хийж багаа хожилд хөтөллөө. Өнгөрсөн жилийн аварга баг "Алдар Танан Гарьд" ийнхүү улирлаа дуусгалаа.
Дараагийн тоглолт "Завхан Brothers", "Тэнүүн Өлзий Металл" багуудын хооронд боллоо. Тоглолт хоёр нэмэлт цаг сунгасан бөгөөд 103-96 харьцаатай "Завхан Brothers" баг хожиж цувралыг харьцааг 2-2 болгон тэнцүүллээ. Цувралын шийдвэрлэх тоглолт энэ сарын 25-нд явагдана.
А.Болд
