"Янзтай Дээд Лиг"-ийн плей-оффийн эхний шатны тоглолтууд өчигдөр спортын төв ордонд явагдлаа. Эхний тоглолт "Этүгэн Баянгол Ирвэсүүд" "Архангай Алтандорнодын Дайчид" багуудын хооронд явагдаж 76-93 онооны харьцаатай "Архангай Алтандорнодын Дайчид"-ын ялалтаар өндөрлөж цувралын харьцааг 2-2 болж тэнцлээ. Тоглолтын онцлох тамирчин "Архангай Алтандорнодын Дайчид"-ын төвийн тоглогч О.Энхбаатар байлаа. Тэрээр 20 оноо, 11 самбар, 3 хаалт хийж багаа хожилд хөтөллөө. Шийдвэрлэх тав дах тоглолт маргааш 20:00 цагаас спортын төв ордонд болно.

Дараагийн тоглолт хүснэгтийн нэгдүгээр байраар шалгарсан "Хасын Хүлэгүүд" болон хүснэгтийн наймдугаар байраар шалгарсан "IHC Apes"  багуудын хооронд боллоо. Тоглолт 79-75 харьцаатай өндөрлөсөн бөгөөд цуврал 3-1 харьцаатай болж "Хасын Хүлэгүүд" баг плей-оффийн хоёрдугаар шатанд шалгарсан эхний баг боллоо. Тоглолтын шилдэг тоглогч нь ОУХМ Б.Билгүүн байлаа. Тэрээр 22 оноо, 5 самбар, 2 хаалт гүйцэтгэлээ.

А.Болд