Бээжин 2022 өвлийн олимпын хүрээнд эмэгтэйчүүдийн цанын чөлөөт үзүүлбэрийн “Halfpipe” төрлийн финалын шат дөнгөж сая өндөрлөлөө. Уг төрөлд Америк гаралтай тамирчин Эйлин Фэн Гу БНХАУ-г төлөөлөн оролцож хоёр дахь үзүүлбэрээсээ 95.25 оноог шүүгчдээс авснаар алтан медалийн эзэн болсон. Түүний хувьд “Big air” төрөлд мөн түрүүлж алтан медаль хүртсэнээс гадна “Slopestyle” төрлийн мөнгөн медалийн эзэн болсон. Ийнхүү нутагт нь зохиогдож буй олимпын наадамд дөнгөж 18 настай залуу тамирчин амжилт дүүрэн оролцож хоёр алт нэг мөнгөн медалийг хүртлээ. Ийнхүү БНХАУ-н хайр хүндэтгэлийг маш ихээр хүлээгээд буй түүний ирээдүйн тамирчны замнал гэрэлтэж байна.

Харин Halfpipe төрлийн мөнгө, хүрэл медалийн эздээр Канадын тамирчид болох Кэсси Шарп (Пёнчанын олимпд энэхүү төрөлдөө түрүүлсэн) болон Рэйчел Каркер нар тус бүр 90.75, 87.75 оноотойгоор тодорсон.

П.Тамир