Өвлийн олимпын хамгийн үзүүштэй төрлүүдийн нэг болох уран гулгалтын эрэгтэйчүүдийн ганцаарчилсан төрлийн уралдаан амжилттай зохиогдож өндөрлөлөө. Тэгвэл энэхүү төрөлд таамгийн дагуу дэлхийн гурван удаагийн аварга чөлөөт гулгалтын олимпын дээд амжилтыг эзэмшигч Хятад гаралтай АНУ-н тамирчин Нетан Чен богино үзүүлбэр болон чөлөөт гулгалтын төрлүүдэд хоёуланд нь оноогоор тэргүүлж итгэл төгс түрүүллээ. Түүний авсан нийлбэр оноо нь 332.6 байсан бол Япон улсын тамирчид болох Юма Кагияама болон Шома Уно нар тус тус 310.05, 293 оноотойгоор удаалж мөнгө хүрэл медалийн эзэд болсон. Эдгээр гурван тамирчдыг олимп эхлэхийн өмнө мэргэжилтнүүд медаль авна гэж таамаглаж байсан.
Харин олимп дэлхийн хошой аварга Японы тамирчин Ханю Юзүрү дөрөвдүгээр байранд шалгарч энэ удаагийн олимпыг медльгүй өндөрлүүлж байна. Бээжингийн олимп алдарт гулгагчийн хувьд хамгийн сүүлийн олимп нь байсан ч байж болзошгүй. Тэрээр энэ жил 28 нас хүрэх бөгөөд (уран гулгалтын төрөлд өндөр нас) Япон улсын дотоодын өрсөлдөөн нэлээд хүчтэй байгаа тул зодог тайлах шийдвэрийг тэрээр гаргах магадлал тун өндөр. Бээжингийн олимпын уран гулгалтын төрөл бямба гарагт мөсөн дээрх бүжгийн төрлийн урьдчилсан шатны гулгалтуудаар үргэлжилнэ.
П.Тамир
