Биеийн тамир, спортын улсын хорооны хүндэтгэлийн танхимд өнөөдөр БТСУХ-ны дарга Ц.Шаравжамц “Бээжин-2022” өвлийн олимпын наадмын Монголын багийн далбааг Монголын багийн ахлагч Ц.Сандуйд гүн хүндэтгэлтэйгээр хүлээлгэн өгч, амжилт хүсэв. “Бээжин-2022” өвлийн олимпын наадамд манай улсаас цанын төрөлд Б.Ачбадрах, А.Энхтуул нар эрх авч оролцох юм. Баг тамирчид бэлтгэл сургуулилтаа ид хангаж буй бөгөөд маргааш олимп болох хотыг зорино. Багийн ахлагч Ц.Сандуй Монголын багийн далбааг Монголын багийн тугчид албан ёсоор гардуулах юм байна.