Америкийн хамгийн том спортын сувгуудын нэг болох ESPN ахлах сургуульд тоглодог ирээдүйд NBA-д орох магадлалтай 100 тоглогчийг анги тус бүрээр нь жагсаасан. Тус жагсаалтын 2022 оны анги дотор Ш.Энхийн-Од багтсан гэдгийг та бүхэнд бид мэдээлсэн билээ. Харин бүх цаг үеийн хамгийн шилдэг тоглогчдын нэгт зүй ёсоор тооцогдох "Лос Анжелес Лейкерс" багийн тоглогч Леброн Жеймсийн хүү Бронни Жеймс 2023 онд ахлах сургуулиа төгсөх сурагчдын жагсаалтад 43 дугаар байранд бичигджээ. Энэ нь хэдийгээр түүний аавтай харьцуулахад муу үзүүлэлт боловч яваандаа түүнийг NBA-д орох бүрэн боломжтой гэдгийг илтгэж байна. Мөн тус жагсаалтад үеийнхээ хамгийн чадварлаг тоглогчид гэгддэг Жорж Вашингтоныг 25 дугаарт, Жаред Маккайныг 22 дугаарт, Майки Виллиамсыг 16 дугаарт тус тус эрэмбэлсэн нь спорт сонирхогчдын гайхшралыг ихэд төрүүлж байна.

П.Тамир