Монгол бөхийн өргөөнд энэ амралтын өдрүүдэд дараалсан хоёр барилдаан болно. Тухайлбал маргааш Завхан аймгийн Их-Уул сумын харьяат, олон түмнээ “Азарга” хэмээх С.Лхагвын нэрэмжит аймаг, цэргийн цолтой бөхчүүдийн барилдаан 12:00 цагт болох юм байна. Харин нөгөөдөр 12:00 цагт “Жем интернэшнл” группийн нэрэмжит Улсын харцага цолонд хүндэтгэл үзүүлэх барилдаан болох юм. Монгол Улсын харцага цолонд хүндэтгэл үзүүлэх барилдаан Цагаан сарын өмнө зохион байгуулагддаг уламжлалтай. Тус барилдаан 2006 онд болоход улсын харцага Г.Элбэг түрүүлж, начин Д.Батбаяр үзүүрлэж байв. 

Б.Жаргал