Монголын жүдо бөхийн холбооны урилгаар Францын залуучуудын шигшээ баг манай улсад 20 хоногийн хамтарсан бэлтгэл хийгээд өнөөдөр нутаг буцлаа. Тус багийн бүрэлдэхүүнд 10 тамирчин нэг эмч багтжээ. Тэдэнтэй хамт Бельгийн алдарт жүдоч -100 кг-ын жингийн ДАШТ-ий хүрэл медальт, Үнэмлэхүй ДАШТ-ий мөнгөн медальт Бельгийн Тома Никифоров дасгалжуулагчийн хамт манай улсад хамтарсан бэлтгэл хийсэн юм.