Булган аймгийн Эрч хүч-Эв нэгдэл оюутны холбооноос спортын их наадам зохион байгуулжээ. Ингэхдээ сагсан бөмбөгийн шилдэг тамирчин, өсөх ирээдүйн тамирчны шагналыг Хутагийн Цогтсайхан агсны гэгээн дурсгалд зориулан олгожээ. Х.Цогтсайхан агсны найзууд энэхүү шагналыг ивээн тэтгэж, Төрийн ордонд гардуулсан байна. Х.Цогтсайхан нь Монголын сагсан бөмбөгийн ирээдүй байсан ба ОТИС-ийн сагсан бөмбөгийн багт хүчин зүтгэж, харамсалтай нь энэ оны хоёрдугаар сард зуурдаар нас барсан юм.