Техник спортын төвд хийн урт бууны улсын аварга шалгаруулах тэмцээн болж өндөрлөлөө. Тэмцээний эрэгтэйчүүдийн ангилалд Н.Баяраа алтан медаль хүртэж, Э.Сайнхүү, Ө.Төгөлдөр нар удаалав. Харин эмэгтэйчүүдэд Г.Нандинзаяа түрүүлж, О.Есүгэн, Э.Энхмаа нар мөнгө, хүрэл медаль хүртлээ. Харин Ч.Нарантуяа, О.Янжинлхам нарын шилдгүүд медаль хүртэж чадсангүй. Түрүүлсэн Г.Нандинзаяа нь "Рио-2016" олимпын наадамд есдүгээр байр эзэлж байсан бөгөөд Азийн наадмын алт, хүрэл медальтай юм. Тэрбээр өнгөрсөн хавар үрийн зулай үнэрлэсэн бөгөөд хөхүүл хүүхэдтэй. Тэр их спортдоо эргэн ирсэнээ зарлаж, улсын аварга болсон нь бахархууштай санагдав.  

Б.Жаргал