Даатгуулагч иргэд Эрүүл мэндийн даатгалын ерөнхий газатай гэрээ байгуулсан ЭМБ-аас тусламж, үйлчилгээг авахдаа ЭМД-ын сангаас төлбөрийн хөнгөлөлт эдэлдэг.

Ингэхдээ өвчтөний түүх дээр бичигдсэн тусламж, үйлчилгээний зардлыг өөрөөс гаргасан тохиолдолд Эрүүл мэндийн даатгалын тухай хуулийн 13 дугаар зүйлийн 13.1.8-д заасны дагуу тухайн эрүүл мэндийн байгууллагад үйлчлүүлсэн төлбөрийн баримтыг хавсарган өргөдөл гарган тусламж, үйлчилгээний зардлыг 30 хоногт буцаан авах боломжтой байдаг.

Тэгвэл Эх нярай, эмэгтэйчүүдийн үндэсний хоёрдугаар төв коронавируст халдварын батлагдсан тохиолдлоор хэвтэн эмчлүүлж байхдаа эмчлэгч эмч нь Ремдесивир тариаг хэрэглэх шаардлагатай гэсний дагуу өөрийн зардлаар худалдан авч эмчилгээндээ хэрэглэсэн нэр бүхий долоон үйлчлүүлэгчийн 3,754,28 төгрөгийн буцаан олголтыг эмнэлгээс даатгуулагчид олгосон байна.

Өөрөөр хэлбэл, ЭМД-ын тухай хуулийг хэрэгжүүлж, ЭМДЕГ-аас тавьсан шаардлагыг шуурхай шийдвэрлэн иргэн, даатгуулагчийг хохиролгүй болгон ажиллажээ.