ОУХМ Пүрэвдоржийн Орхон Литва улсын Клайпеда хотод болж буй 32 дахь удаагийн цэргийн дэлхийн аварга шалгаруулах тэмцээнээс  алтан медаль хүртэж  Дэлхийн аварга боллоо.

 2014 онд тус тэмцээнээс мөнгөн медаль хүртсэн тэрбээр чөлөөт бөхийн төрөлд цэргийн ДАШТ-д түрүүлсэн Монголын зургаа дахь бөх болж буй нь энэ аж.

Монгол Улсын гавьяат тамирчин Ганзоригийн Мандахнаран, Сүхээгийн Цэрэнчимэд, ОУХМ Нармандахын Лхамгармаа, Оргодолын Үйтүмэн 2014 онд, Ганбаатарын Отгонжаргал нар түрүүлээд байсан юм.