Их Британий Хатан Хаан 2 дугаар Элизабетийн 90 насны төрсөн өдөр энэ долоо хоногт болох бөгөөд уг ойн баярын арга хэмжээнд тус улс бэлтгэж байна.

Хатан Хаан 2 дугаар Элизабет 1926 оны 4 дүгээр сарын 21-ний өдөр Лондон хотноо мэндэлж байжээ.

Тэрээр 1952 оны 2 дугаар сарын 6-ны өдөр Хатан Хаанаар өргөмжлөгдөж байсан бөгөөд өдгөө тэрээр Их Британи, Канад, Австрали, Шинэ Зеланд болон Британий хамтын нийгэмлэгийн гишүүн орнуудын Хатан Хаан гэж явдаг билээ.

Хатан Хааны 90 насны ойн баярын ёслолын арга хэмжээ ирэх пүрэв гаригт Виндзорын ордонд явагдах болно.

                                                                                             ГАНБААТАР МӨНХ-ЭРДЭНЭ UBS.mn