Монголын анхны олон ангит 3D хүүхэлдэйн кино болох “Жангар”-ын нээлт товлогджээ. Тус хүүхэлдэйн кино олон улсад зэрэг гарахаараа онцлогтой юм.
Эх нутаг, улс үндсээ хамгаалж, нөхөрлөлийн чин шударга зан чанар, Монголын эрэлхэг баатрын ариун үйлсийг харуулaх үндэсний баатрыг 3D графикаар амилуулсан анхны дэлгэцийн бүтээл юм. Ингэхдээ уран зохиолын гурван оргилын нэг болох “Жангар” туулийг сонгон авч хүүхэд багачуудад өв уламжлалаа сурталчилан таниулах, дэлхийн олон улсад нээлтээ хийснээр эх орныхоо үүх түүхийг үнэн зөвөөр гаргах зорилготой юм байна.
"ЖАНГАР" олон ангит хүүхэлдэйн киноны нээлтийн хуваарь:
2016.04.16 - МОНГОЛ УЛС, УЛААНБААТАР ХОТ
2016.04.21 - БНХАУ, БЭЭЖИН ХОТ
2016.05.01 - ОХУ, БУРИАД, УЛААН-ҮҮД ХОТ
2016.05.05 - ОХУ, ТУВА, КЫЗЫЛ ХОТ
2016.05.10 - ОХУ, ХАЛИМАГ, ЭЛСТ ХОТ
