Цахим спортын улсын аварга шалгаруулах тэмцээний бүртгэл эхэллээ. Тус тэмцээнийг Монголын цахим спортын хөгжлийн холбоо жил бүр зохион байгуулдаг билээ. Тэмцээний бүртгэл 2016 оны дөрөвдүгээр сарын 11-18-ны өдрийг хүртэл үргэлжлэх аж. Харин урьдчилсан шатны тоглолтууд онлайнаар явагдах бөгөөд дөрөвдүгээр сарын 23-ны өдрөөс эхэлнэ.
Уг тэмцээн CS:GO, Dota2, LoL, World of Tanks, NBA, FIFA гэсэн төрлүүдээр зохиогдох бөгөөд оролцогчид багаар болон ганцаарчилсан төрөлд өрсөлдөж болох юм.
2016 оны ICT Expo-ийн үеэр буюу тавдугаар сарын 17-22 -ны өдрүүдэд аваргын төлөөх тоглолтууд "Мишээл экспо"-д болох юм. Аваргын төлөөх тоглолтыг GoGo мэдээний агентлаг шууд дамжуулан хүргэнэ.
