Пакистан улсад хүчтэй газар хөдлөлт болсон талаар "Ассошиетэд Пресс" агентлаг мэдээллээд байна. Пешавар хотод чичиргээ хамгийн хүчтэй мэдрэгдсэн бөгөөд ойр тойрных нь хот суурингуудад ч газар хөдлөлт багагүй хор хохирол учруулжээ. Олон улсын мэдээллийн агентлагуудын дамжуулснаар 7,1 магнитудын хүчтэй газар хөдлөлт болж, барилга байшингууд цуурч нурсан хэрэг гарсан байна. Гэхдээ Пешавар хотод 7,1 магнитудаас ч хүчтэй газар хөдлөлт болсон гэх мэдээллийг албаныхан өгч байна. Газар хөдлөлтийн төв цэг Тажикистан болон Афганистаны хилийн бүсэд байсан бөгөөд чичиргээ Энэтхэг, Пакистан, Афганистанд мэдрэгдсэн байна. Байгалийн гамшгийн улмаас 5 хүн амиа алдсан гэх мэдээллийг Пакистаны албаныхан өгөөд байгаа бөгөөд энэ тоо хэтдээ нэмэгдэж магадгүй байна.

Болд-Эрдэнэ Тэргэл /UBS/