УДЭТ-ын уран бүтээлчид удахгүй болох Олон улсын эмэгтэйчүүдийн эрхийг хамгаалах өдрийг угтан Дарио Фогийн "Чөлөөт хос" мюзикл инээдмийн жүжгийг энэ сарын 27, 28-нд үзэгчиддээ өргөн барина.
Эл бүтээлийг “Долоон найруулагч, долоон жүжиг” төслийн хүрээнд Ч.Найдандорж найруулан өнгөрсөн онд үзэгчдийн хүртээл болгосон нь үзэгчдийг байлдан дагуулсан юм.
Жүжгийн гол дүрд СТА Ц.Баясгалан, Мамбреттод Э.Тодгэрэл, Г.Дөлгөөн-Аюуш нар тогложээ. Тасалбар нь 10, 15, 20 мянган төгрөгийн үнэтэй бөгөөд УДЭТ-ын билетийн кассаар худалдаалж байна.
