Жүдо бөхийн насанд хүрэгчдийн 2016 оны Улсын аварга шалгаруулах тэмцээн Эрдэнэт хотод болно.
Энэ сарын 7-10-нд зохион байгуулагдах тус тэмцээнийг Орхон аймаг байгуулагдсаны 40 жилийн ой, Ази тивийн анхны аварга, Атлантын олимпийн хүрэл медальт, Монгол Улсын гавьяат тамирчин Д.Нармандахын зуны олимпоос медаль хүртсний 20 жилийн ойд зориулж Эрдэнэт хотод зохион байгуулж байгаа аж.
Тэмцээнийг Монголын жүдо бөхийн холбоо, Орхон аймгийн Засаг даргын Тамгын газар, Орхон аймгийн жүдо бөхийн холбоо, Хангарьд спорт хороо хамтран зохион байгуулах юм байна.
