Өрнийн улс орнуудад хэдийнэ зул сарын баярын уур амьсгал орж эхлээд байна. АНУ-ын хамгийн том сүлжээ дэлгүүрүүдийн нэг "Мейси'с" бүхий л салбаруудаа "Сноопи" хүүхэлдэйн киноны баатруудын дүрээр чимэглэж эхэлсэн байна. Учир нь энэ хүүхэлдэйн кино бүтээгдсний 50 жилийн ой энэ онд тохиож байгаа юм. "Сноопи" гэх нэрээр хүүхэд багачуудын дунд танигдсан цуврал хүүхэлдэйн бүтээл энэ жил 50 нас хүрч байна. Тэгвэл АНУ-ын хамгийн том сүлжээ дэлгүүрүүдийн нэг "Мейси'с" бүхий л салбар дэлгүүрүүдээ энэхүү хүүхэлдэйн киноны баатруудаар чимэглэж эхлээд байна. Тус сүлжээ дэлгүүр шинэ жил, зул сарын баярыг угтаж тусгай чимэглэл бүтээлгэж байгаа бөгөөд эдгээр нь бүгд "Сноопи" хүүхэлдэйн кинотой холбоотой байх юм. Чарли Браун болон Сноопи нохойн 3 хэмжээст загваруудыг олноор нь бүтээлгэж байгаа "Мейси'с" үүгээрээ хүүхэд багачуудыг татахаар зорьж байна. Хэдэн үеийн үзэгчдийг хүмүүжүүлсэн Чарли Браун болон түүний нөхөд энэ жилийн баяраар олон зуун худалдан авагчидтай "Мейси'с" дэлгүүрт ийнхүү уулзахаар болжээ. Дэлгэцнээ гараад 50 жил болсон энэхүү хүүхэлдэйн цувралын уран сайхны кино тун удахгүй дэлгэцнээ гарах юм.

Болд-Эрдэнэ Тэргэл/UBS/