Сансар судлалын НАСА агентлаг сансарт нисэх, илүү тодруулбал Ангараг гариг руу нисэх сонирхолтой хүмүүсийг бүртгэж эхэлсэн байна. Энэ оны 12-р сараас эхлэх энэ бүртгэлд хүссэн хүн бүр хамрагдах боломжтой бөгөөд эцсийн шалгаруулалтыг НАСА хийх ажээ.
2016 оны хоёрдугаар сарын дунд хүртэл үргэлжилэх бүртгэлд хамрагдах хүмүүс Ангараг гариг руу нисэх чин хүсэлтэй байх ёстой юм. Харин шалгарсан хүмүүсийн нэрийг 2017 оны зургадугаар сард олон нийтэд зарлах юм.
Сансарт нисэх хүсэлтэй хүмүүс эрүүл мэндийн хувьд асуудалгүй мөн АНУ-ын магадлан итгэмжлэгдсэн боловсролын байгууллагын инженер, биологи, физик болон математикийн бакалавраас доошгүй зэрэгтэй байх ёстой юм.
Болд-Эрдэнэ Тэргэл /UBS/
