Мэргэжлийн театр судлаачдын хамтын бүтээл “Монголын театрын түүх” ном уншигчдын гарт очиход бэлэн болжээ. Хэдийгээр Монгол Улсад театрын урлаг үүсч хөгжөөд цөөнгүй жилийг үдсэн боловч театр урлагийн түүхээ цогцоор нь хамран судалсан бүтээл хараахан хэвлэгдэж гараагүй байжээ. Нөгөө талдаа театрын урлагийн түүхээ он цагийн үечлэлд оруулж, театрын найруулга, жүжгийн зохиол, жүжгийн зохиолчдын түүх, тайзны зураг, засал, жүжгийн хөгжим, төвийн болоод орон нутгийн театруудын түүх, урын сан зэрэг олон талаас нь сурвалжлан судалсан байна. 

“Монголын театрын түүх” номын гол онцлог нь Монголчуудын театрын сэтгэлгээний уламжлалт ойлголтууд, нүүдэлчдийн театр, Ноён хутагтын “Саран хөхөө” жүжгээс эхлээд ХХI зууны эхэн үе хүртэлх он цагийг хамран орчин үеийн театрын судлалын онол арга зүйд суурилан бүтээсэнд оршиж байна. Түүнчлин хожмын театр судлаач, мэргэжлийн театрын жүжигчид, найруулагч, театрын урлагийг сонирохогч хэн бүхний сонирхол хэрэгцээнд нийцэхүйц жинтэй бүтээл болсон гэж үзэж болно. Номын нээлт энэ сарын 16-ны 16:00 цагт “Интерном” номын дэлгүүрт болно. 

Urlag.mn