Үзэгчдийн дунд хамгийн их хүлээлт үүсгэж буй “Рэкетир 2” киноны Монгол дахь албан ёсны нээлт энэ сарын 20-нд "Гэгээнтэн" интэйртаймэнт төвд болсон. Тэгвэл өнөөдрийн нээлт "Өргөө-1" кино театрт 19.00 цагаас болох гэж байна.

Киноны нээлтэнд "Рэкетир-1" киноны гол дүрийн жүжигчин Мурат Бисенбин /Руслан/ болон “Рэкетир 2” киноны гол дүрийн жүжигчин Саят Исембаев /Саян/, “Сатай” фильмийн гүйцэтгэх захирал Анна Чакиртова нар оролцох юм. Тэд киноныхоо нээлтэнд оролцохоор өчигдөр өдөр  Чингис хаан олон улсын нисэх буудалд газардсан юм. Гадаадын киноны гол дүрийн жүжигчид киноныхоо нээлтэд албан ёсоор хүрэлцэн ирж буй анхны тохиолдол энэ.